南彰念謠 林沉默:

大城鄉 /林沈默

月 啊 月,月 黃 黃:

Gue̍h--ah gue̍h, gue̍h n̂g-n̂g:

 

十 月 草,含 露 霜。

Tsa̍p-gue̍h-tsháu, kâm lōo-sng.

 

風 飛 沙,來 拍 門。

Hong-pue-sua, lâi phah-mn̂g.

 

白 米 飯,攪 烏 糖。

Pe̍h-bí-pn̄g,kiáu oo-thn̂g.

 

親 家 姆,舌 吐 長。

Tshin-ke-ḿ, tsi̍h thóo-tn̂g.

 

一 粒 面,若 滷 卵。

Tsi̍t-lia̍p-bīn, ná lóo-nn̄g.

 

 

月 啊 月,月 光 光:

Gue̍h--ah gue̍h, gue̍h kng-kng:

 

大 城 伯,喜 臨 門。

Tuā-siânn-peh, hí lîm-mn̂g.

 

請 新 婦,來 拜 堂。

Tshiánn sin-pū, lâi pài-tn̂g.

 

海 龍 王,惡 心 腸。

Hái-lîng-ông, ok-sim-tn̂g.

 

牽 水 車,烏 白 鑽。

Khan tsuí-tshia, oo-pe̍h tsǹg.

 

大 桌 酒,當 甜 湯。

Tuā-toh-tsiú, tòng tinn-thng.

 

食 無 夠,鬧 廳 堂。

Tsia̍h bô-kàu, nāu thiann-tn̂g.

 

紅 厝 瓦,提 去 耍。

Âng-tshù-hiā, the̍h-khì sńg.

 

眠 床 枋,拆 去 當。

Bîn-tshn̂g-pang, thiah-khì tǹg.

 

春 宵 暝,燒 湯 燙。

Tshun-siau-mî, sio-thng thǹg.

 

新 郎 倌,揣 無 床。

Sin-lông-kuann, tshuē-bô tshn̂g.

 

新 娘 囝,哭 天 光。

Sin-niû-kiánn, khàu thinn-kng.

 

 

月 啊 月,月 酸 酸!

Gue̍h--ah gue̍h, gue̍h sng-sng!

 

二林鎮 /林沈默

糖 仔 舍,臭 短 命。

Thn̂g-á-sià, tshàu té-miā.

 

查 某 囝,嫁 保 正。

Tsa-bóo-kiánn, kè pó-tsiànn.

 

日 本 鬼,叫 阿 爹。

Ji̍t-pún-kuí, kiò a-tia.

 

白 白 馬,倒 頭 騎。

Pe̍h-pe̍h-bé, tò-thâu khiâ.

 

 

二 林 兄,日 據 時,苦 散 赤。

Jī-lîm-hiann, Ji̍t-kì sî, khóo sàn-tshiah.

 

種 甘 蔗,交 會 社。

Tsìng kam-tsià, kau huē-siā.

 

三 跤 狗,毒 蟒 蛇。

Sann-kha-káu, to̍k-bóng-siâ.

 

斤 兩 簿,烏 白 寫。

Kin-niú phōo, oo-pe̍h siá.

 

直 直 灶,燒 橫 柴。

Ti̍t-ti̍t-tsàu, sio huâinn-tshâ.

 

作 穡 兄:提 蔗 刀,來 車 拚。

Tsoh-sit-hiann: the̍h tsià-to, lâi tshia-piànn.

 

農 場 地,開 事 件。

Lông-tiûnn tē, khai sū-kiānn.

 

 

二 林 兄,終 戰 後,哭 歹 命。

Jī-lîm-hiann, tsiong-tsiàn āu, khàu pháinn-miā.

 

酒 葡 萄,大 契 作。

Tsiú-phû-tô, tuā-khè-tsoh.

 

啥 知 影:外 國 鬼,硬 吞 食。

Siánn tsai-iánn: guā-kok kuí, ngē thun-tsia̍h.

 

公 賣 局,無 來 疼。

Kong-bē-kio̍k, bô-lâi thiànn.

 

葡 萄 棚,倩 人 拆。

Phû-tô-pênn, tshiànn-lâng thiah.

 

葡 萄 藤,請 人 燃。

Phû-tô-tîn, tshiánn-lâng hiânn.

溪州鄉 /林沈默

 

五 分 車,長 躼 躼。

Gōo-hun-tshia, tn̂g-lò-lò.

 

穿 衫 褲,烏 趖 趖。

Tshīng sann-khòo, oo-sô-sô.

 

八 月 半,咬 甘 蔗。

Peh-gue̍h-puànn, kā kam-tsià.

 

庄 仔 頭,去 迌。

Tsng-á-thâu, khì tshit-thô.

 

 

溪 州 庄,好 水 土。

Khe-tsiu-tsng, hó tsuí-thóo.

 

株 式 社,製 糖 廍。

Tsu-sik-siā, tsè-thn̂g-phōo.

 

胡 蠅 蠓,吵 鑼 鼓。

Hôo-sîn báng, tshá lô-kóo.

 

開 發 前:全 沙 埔,

Khai-huat tsîng: tsuân sua-poo,

 

平 埔 族,追 野 兔。

Pênn-poo-tso̍k, tui iá-thòo.

 

清 朝 時:唐 山 祖,招 佃 戶。

Tshing-tiâu-sî: Tn̂g-suann-tsóo, tsio tiān-hōo.

 

夯 鋤 頭,掘 水 路。

Giâ tî-thâu, ku̍t tsuí-lōo.

 

種 田 園,開 菜 股。

Tsìng tshân-hn̂g, khui tshài-kóo.

 

後 壁 孫,有 倚 靠。

Āu-piah-sun, ū uá-khò.

 

 

溪 州 鄉,現 代 天,火 燒 埔:

Khe-tsiu-hiong, hiān-tāi-thinn, hué-sio-poo:

 

焚 化 爐,未 動 土。

Hûn-huà-lôo, bī tāng-thóo.

 

在 地 人,氣 呼 呼。

Tsāi-tē-lâng, khì-hoo-hoo.

 

擔 石 頭,來 擋 路。

Tann tsio̍h-thâu, lâi tòng-lōo.

 

縣 政 府,叫 艱 苦。

Kuān-tsìng-hú, kiò-kan-khóo.

北斗鎮 /林沈默

寶 斗 街!寶 斗 街!

Pó-táu-ke! Pó-táu-ke!

 

老 濁 溪,小 員 外。

Lāu-lô-khe, sió-uân-guē.

 

錢 濟 濟,做 阿 伯。

Tsînn tsē-tsē, tsò a-peh.

 

騎 鐵 馬,踅 夜 街。

Khiâ thih-bé, se̍h iā-ke.

 

 

寶 斗 街!紅 雲 飛。

Pó-táu-ke! Hông-hûn pue.

 

開 發 日,赤 火 火。

Khai-huat-ji̍t, tshiah-hué-hué.

 

黃 利 英,廣 東 客。

N̂g Lī-ing, Kńg-tang-kheh.

 

牽 牛 犁,掘 新 地。

Khan gû-lê, ku̍t sin-tē.

 

乾 隆 時,福 佬 人,野 蠻 皮,

Khiân-liông sî, Ho̍h-ló-lâng, iá-bân-phuê,

 

佔 水 頭,割 稻 尾。

Tsiàm tsuí-thâu, kuah-tiū-bué.

 

客 庄 民,拚 相 配。

Kheh-tsng-bîn, piànn sio-phuè.

 

閩 客 鬥,動 傢 伙。

Bân Kheh tàu, tāng ke-húe.

 

步 步 逼,步 步 退。

Pōo-pōo pik, pōo-pōo thè.

 

客 家 族,走 山 底。

Kheh-ka-tso̍k, tsáu suann-té.

 

 

寶 斗 街!日 落 西。

Pó-táu-ke! Ji̍t-lo̍h-se.

 

現 此 時,巷 仔 底,百 姓 家。

Hiān-tshú-sî, hāng-á-té, peh-sènn-ke.

 

老 阿 公,食 肉 丸,配 麥 芽。

Lāu-a-kong, tsia̍h bah-uân, phuè be̍h-gê.

 

舊 西 裝,度 小 月。

Kū-se-tsong, tōo sió-gue̍h.

二水鄉 /林沈默

濁 水 溪,虎 豹 女。

Lô-tsuí-khe, hóo-pà-lí.

 

落 平 陽,去 遊 戲。

Lo̍h pênn-iûnn, khì iû-hì.

 

烏 葵 扇,八 字 開。

Oo-khuê-sìnn, pat-jī khui.

 

 

二 八 水!八 堡 圳,南 北 圍。

Jī-pat-tsuí! Pat-pó-tsùn, lâm-pak uî.

 

鼻 仔 頭,好 地 理。

Phīnn-á-thâu, hó-tē-lí.

 

水 門 關,鐵 鎖 匙。

Tsuí-mn̂g-kuan, thih-só-sî.

 

清 初 時,施 長 齡,興 水 利。

Tshing-tshoo-sî, Si Tiâng-lîng, hing tsuí-lī.

 

施 厝 圳,袂 完 備。

Si-tshù-tsùn, bē uân-pī.

 

林 先 生,有 智 慧。

Lîm--sian-sinn, ū tì-huī.

 

無 名 指,點 天 機。

Bô-miâ-tsí, tiám thian-ki.

 

虎 豹 溪,入 籠 籬。

Hóo-pà-khe, ji̍p láng-lî.

 

看 天 田,萬 里 青。

Khuànn-thinn-tshân, bān-lí tshinn.

 

老 百 姓,拜 神 奇。

Láu-peh-sènn, pài sîn-kî.

 

 

濁 水 溪,烏 金 金:

Lô-tsuí-khe, oo-kim-kim:

 

螺 溪 硯,真 罕 奇,

Lê-khe hīnn, tsin hán-kî.

 

白 書 生,上 佮 意;

Pi̍k su-sing, siōng kah-ì;

 

水 雕 石,天 公 心,

Tsuí-tiau-tsio̍h, thinn-kong-sim,

 

台 灣 島,獨 無 二。

Tâi-uân-tó, to̍k-bû-jī.

 

田中鎮 /林沈默

七 七 暝,流 星 淚。

Tshit-tshit-mî, liû-tshinn luī.

 

少 鴛 鴦,攬 雙 對。

Siàu-uan-iunn, lám siang-tuì.

 

仙 織 女,買 玫 瑰。

Sian Tsit-lí, bé muî-kuì.

 

牧 童 哥,插 一 蕊。

Bo̍k-tông-ko, tshah tsi̍t-luí.

 

 

田 中 央!八 卦 山,青 翠 翠。

Tshân tiong-ng! Pat-kuà-suann, tshenn-tshuì-tshuì.

 

八 堡 圳,雙 頭 圍。

Pat-pó-tsùn, siang-thâu uî.

 

想 當 時,真 克 虧:

Siūnn tong-sî, tsin khik-khui:

 

漳 泉 祖,流 汗 血,田 園 開。

Tsiang tsuân tsóo, lâu kuānn hueh, tshân-hn̂g khui.

 

沙 崙 街,造 城 市。

Sua-lū

 
 
 

•教育部高級中等以下學校及幼稚園推動臺灣母語日活動實施要點